A-sat hā-tâi liáu-āu, Sū-lī-ah chhiong-tu̍t chō-sêng chhiau-kòe 1000 ê lâng sí-bông

Tī Sū-lī-ah ê hái-hōaⁿ séng-hūn, Tāi-má-sek-suh sin chèng-hú ê an-choân pō͘-tūi kap tùi hùi-tû ê chóng-thóng Pa-sa-lāi A-sat tiong-sûn ê cho͘-chit chi-kan hoat-seng chhiong-tu̍t, chō-sêng chhiau-kòe 1000 ê lâng sí-bông, pau-koat 745 ê A-lá-uī-phài pêng-bîn. Pài-sì, tī Lāi-ta-ki-ah ê Cha̍p-lāi-hē, A-lá-uī-phài poān-loān-chiá kong-kek an-choân pō͘-tūi liáu-āu, chhiong-tu̍t po̍k-hoat, ín-khí chū 12 goe̍h 8 ji̍t A-sat hā-tâi í-lâi siōng giâm-tiōng ê pō-le̍k sū-kiāⁿ. Sū-lī-ah Jîn-koân Koan-chhek-chām pò-tō, kàu pài-la̍k ē-po͘, sí-bông jîn-sò͘ í-keng ta̍t-kàu 1018 ê, kî-tiong 745 ê pêng-bîn tī A-lá-uī-phài chiàm to-sò͘ ê se-pō͘ séng-hūn ê chong-phài tô͘-sat tiong sí-bông. Sū-lī-ah kàu-hōe khiam-chek tô͘-sat, pēng-chhiáⁿ hô͘-io̍k kiông-chè kiat-sok pō-le̍k. Tī kong-kek A-sat ê hêng-tōng tiong, léng-tō HTS ê A-lāi Sa-lāi iau-kiû i ê pō͘-tūi tī chiàn-tàu kî-kan pī-bián chhái-chháng pò-ho̍k hêng-tōng.